အပြစ်အနာအဆာကင်းတဲ့ Monitor ဖြစ်စေမို့

LCD Monitor တစ်လုံးကို ကျွန်တော်တို့တွေ ၀ယ်ယူ အသုံးပြုကြပြီ ဆိုကြပါစို့။ ၀ယ်ယူလိုက်တဲ့ Monitor
ဟာ အပြစ်အနာအဆာကင်းတဲ့ Monitor ဖြစ်စေချင်မှာပါပဲ။ အဲလို ဖြစ်စေချင်ပေမယ့်လည်း တစ်ခါတစ်ရံ Monitor ပေါ်မှာ အစက်သေးသေးလေးလေးတွေ ပါလာတတ်ပါတယ်။

 ဒီအစက်သေးသေးလေးတွေက Monitor အသစ်တွေမှာတောင်ပါလာခြင်း ဖြစ်ပါတယ်။ ၎င်းအစက်ကလေးတွေကို Dead Pixels လို့လည်း ခေါ်ပါတယ်။ အဲလို Dead Pixels လေးတွေက တစ်ခါတစ်ရံမှာ မမြင်ရပါဘူး။ ဒါပေမယ့် လည်း အရောင်အမျိုးမျိုး ပြောင်းလဲကြည့်ပြီး စမ်းသပ်လို့ရပါတယ်။


အဲလို Desktop ရဲ့ အရောင်ကို အမျိုးမျိုးပြောင်းပြီး စမ်းသပ်ကြည့်မယ်ဆိုရင် Dead Pixels ရှိ၊မရှိသိနိုင်ပါတယ်။
Monitor ကို စက်ရုံက ထုတ်လုပ်လိုက်ကတည်းက Dead Pixels လေးတွေက ပါလာတတ်တာမျိုးဖြစ်ပါတယ်။ အဲလို Dead Pixels တွေ ပါဝင်မှုကို Monitor ထုတ်လုပ်တဲ့ ကုမ္ပဏီတွေက တတ်နိုင်သမျှ လျှော့ချ ထုတ် လုပ်နိုင်အောင် ကြိုးစားနေကြဆဲ ဖြစ်ပါတယ်။

အဲဒီ Dead Pixels လေးတွေ ဘာဖြစ်လို့ ပါလာတာလဲ။ ဒီမေးခွန်းကို ဖြေနိုင်ဖို့အတွက် LCD Monitorတစ်လုံးရဲ့ အခြေခံ အလုပ်လုပ်ပုံကို သိထားဖို့တော့ လိုပါတယ်။ အခြေခံအားဖြင့်တော့ LCD Monitorတွေက အရမ်းရိုးရှင်းစွာ အလုပ်လုပ်ပါတယ်။ LCD Display မှာ Pixel တွေနဲ့ ဖွဲ့စည်းထားပြီး၊ အဲဒီ Pixelလေးတွေထဲမှာ Sub Pixels   လေးတွေ ရှိပါတယ်။

အဲဒီ Sub Pixels လေးတွေနဲ့ အရောင်တွေဖြစ်တဲ့ အနီ၊ အစိမ်း၊ အပြာ (R,G,B)တို့ကို ဖော်ပြပေးပါတယ်။Dead Pixel လေးတွေကတော့ အဖြူ (သို့မဟုတ်) အမည်းရောင်တွေနဲ့ အမြဲတမ်း ဖော်ပြနေပါလိမ့်မယ်။တနည်းအားဖြင့် အရောင်မဖော်ပြပေးနိုင်တဲ့ Pixel လေးကို Dead Pixel လို့ ခေါ်ဆိုခြင်း ဖြစ်ပါတယ်။ အဖြူ(သို့မဟုတ်) အမည်းရောင် Pixel လေးမှာ အရောင်မရှိဘူးပေါ့။

အဲဒီ Dead Pixel လေးကို ဖျောက်ချင်တယ်ဆိုရင်တော့ Desktop ရဲ့ Background ကို အမည်းရောင်(သို့မဟုတ်) အဖြူရောင် (သို့မဟုတ်) ရောစပ်ထားတဲ့ အရောင်တစ်ရောင်ကို ပြောင်းလဲပေးလိုက်ပါ။ဒီလိုပြောင်းလဲပေးလိုက်ရင် Dead Pixel ကို Desktop ရဲ့ Background က ဖုံးသွားပြီးတော့ Dead Pixel က ပျောက်သွားပါတယ်။ ပျောက်သွား တယ်ဆိုတာ Monitor ကနေ လုံးဝပျောက်သွားတာ မဟုတ်ပါဘူး။ DeadPixel ကို ဖုံးသွားပြီးတော့ ပျောက်သွား တာမျိုးပဲ ဖြစ်ပါတယ်။


အကယ်၍ သင့်ရဲ့ Monitor မှာ အဲလိုမျိုး Dead Pixel လေးတွေပါလာပြီဆိုရင် သင့်အနေနဲ့ဘာမျှော်လင့်ချက် ရှိနိုင်သလဲ။ ဒီမေးခွန်းအတွက် အဖြေကတော့ သင်ဝယ်ယူတဲ့ Monitor ရဲ့အမှတ်တံဆိပ်အပေါ်မှာပဲ မူတည်ပါတယ်။ အဲလိုမျိုး LCD Display မှာ Dead Pixel တွေ့ပြီဆိုရင် Monitor ရောင်းချတဲ့ ကုမ္ပဏီကို ဆက်သွယ်ပြီးတော့တစ်ခု   ခုတောင်းဆိုနိုင်ပါတယ်။ အဲလို တောင်းဆိုတဲ့အခါမှာ ရလာမယ့် ရလာဒ်ကတော့ Monitor ရဲ့ Brandအပေါ် မှာပဲ မူတည်ပါတယ်။ အဲဒီတော့ Dead Pixel နဲ့ ပတ်သက်ပြီး Brand တစ်ခုချင်းစီရဲ့

သတ်မှတ်ချက်တွေကို အောက်မှာ ဖော်ပြပေးသွားမှာ ဖြစ်ပါတယ်။


(၁) Lite On, Phillips နှင့် Hitachi အမျိုးအစား Monitor တွေမှာ Dead Pixel ပါဝင်မှုက သုညလို့ သတ်မှတ်ပါ တယ်။ သုညဆိုတော့ မပါဝင်ဘူးလို့ ဆိုလိုခြင်းပဲ ဖြစ်ပါတယ်။ သို့သော်လည်း Phillips အနေနဲ့က အမည်းရောင် ရှိတဲ့ Pixel ကို Dead Pixel အနေနဲ့ မရေတွက်ပါဘူး။


(၂) HP Monitor တွေမှာတော့ Dead Pixel (၄)ခု ပါလာလို့ရှိရင် Monitor အသစ်တစ်လုံးနဲ့ ပြန်လည် လဲလှယ်ပေး ပါတယ်။ အကယ်၍ Dead Pixel က (၄)ခု မရှိဘဲ နှစ်ခု၊ သုံးခုပဲ ရှိမယ်ဆို ရင်တော့ ပြန်လည်လဲ လှယ်ပေးမှာ မဟုတ်ပါဘူး။ အဲဒီအတိုင်းပဲ အသုံးပြုရလိမ့်မှာ ဖြစ်ပါတယ်။


(၃) LG Monitor တွေမှာတော့ 10 cm လောက်ရှိတဲ့ ပတ်ပတ်လည်လည် အတွင်းမှာ Dead Pixel

(၂)ခုလောက်ရှိမယ်ဆိုရင်တော့ Monitor အသစ်တစ်လုံးနဲ့ ပြန်လည် အစားထိုး လဲလှယ်ပေးပါလိမ့်မယ်။

(၄) NEX-NEC Monitor တွေမှာတော့ အဖြူရောင် Dead Pixel (၃)ခုနှင့် အမည်းရောင် Dead Pixel (၃)ခု တွေ့ ရမယ်ဆိုရင်တော့ Monitor အသစ်တစ်လုံးနဲ့ အစားထိုး လဲလှယ်ပေးပါလိမ့်မယ်။


(၅) Samsung က ပြင်းပြင်းထန်ထန် ကြိုးစားဖို့ရှိပါတယ်။ ဘာလို့လဲဆိုတော့ Samsung ရဲ့ ၁၅ လက်မ Monitor တွေမှာ Dead Pixels (၆)ခု အထိပါဝင်တာကို လက်ခံနိုင်ရမယ်လို့ဆိုထားပြီး၊ ၁၇ လက်မ Monitor တွေမှာတော့ Dead Pixel (၉)ခုထိ ပါဝင်တာကို လက်ခံနိုင်ရမယ်လို့ ဆိုထားတဲ့ အတွက်ကြောင့် ပဲ ဖြစ်ပါတယ်။


(၆) Sony, Viewsonic Monitor တွေ အနေနဲ့ကတော့ ၁၅ လက်မ Monitor တွေမှာ အမည်းရောင် DeadPixel (၂)ခု၊ အဖြူရောင် Dead Pixel (၂)ခု စုစုပေါင်း (၄)ခု ပါမယ်ဆိုရင် Monitor အသစ်တစ်လုံးနဲ့ အစားထိုးလဲ လှယ်ပေးမှာ ဖြစ်ပါတယ်။ ၁၇ လက်မ Monitor မှာတော့  အမည်းရောင် Dead Pixel (၃)ခု၊အဖြူရောင် Dead Pixel (၃)ခု စုစုပေါင်း (၇)ခု ရှိမယ်ဆိုရင် အသစ်တစ်လုံးနဲ့အစားထိုးလဲလှယ်ပေးပါလိမ့်မယ်လို့ တင်ပြရင်း

ဒီဆောင်းပါးလေးကို ဒီမှာပဲ ရပ်နားလိုက်ပါတယ်။

from sayar Zaw Lin(youth)